DEPRIMI

Senenergiigi, tute malvigligi kaj senkuraĝigi:

• Mi ne scias, kio tiel deprimas min, ke mi nenion volas fari.
  

• Ŝi estas deprimita de sia malsukceso.
  

• Promenado en la naturo malpliigis la deprimon.
  

• Li tre deprimiĝis, sed mi kuraĝigis lin.

KONFLIKTO

1. Kontraŭdiro inter posedo kaj neposedo, inter diverĝaj aspiroj kaj interesoj, esprimiĝanta en agado de sociaj grupoj:

• La reĝo ne sciis, kiel solvi la konflikton.
  

• Denove konfliktantaj partioj ne sukcesas interkonsenti.
  

• Mi volas konflikti kun neniu.
  

2. Malkonsento, kaŭzita de kontraŭeco de deziroj aŭ opinioj:

• Ja vi scias, ke tio estas konflikto de interesoj!
  

• Mia kapo estas plena de konfliktaj pensoj.
  

• En mia laborejo estiĝis laborkonflikto.

VIOLENTA

Senbride perforta:

• Violenta morto trafis lin.
  

• Tiuj junuloj agis violente.
  

• Violento ofte estas montrata en la filmoj.
  

• Longan tempon violentis la krimulo, sed finfine li aperis en la prizono.
  

PREMIO

1. Rekompenco, donacata al la plej indaj:

• Mia filo ricevis la unuan premion.
  

• Jam komenciĝis disdono de la premioj.
  

• El la dudek konkursaj desegnaĵoj oni premios nur tri.
  

2. Donaco proponata al aĉetantoj aŭ abonantoj, por stimuli eblajn klientojn:

• Aĉetante komputilon vi ricevos premion!
  

SOBRA

1. Modere trinkanta kaj manĝanta:

• Post la festo li devis veturi, pro tio li volis resti sobra.

• Kion sobreco deziras, ebrieco ĝin diras.
  

• Vi devas sobriĝi!
  

2. Evitanta ĉiajn superfluaĵojn:

• Mi ŝatas tiun ĉi libron pro la sobra stilo de la aŭtoro.
  

• La apartamento estis sobre dekoraciita.
  

3. Senpasia, senpartia, singarda pri siaj emocioj:

• Mi esperas, ke vi estas sobra homo kaj ne faros stultaĵojn!
  

• La proksimiĝanta danĝero tuj sobrigis lin.
  

SCIENCO (CIENCIA )

1. Sistema tutaĵo de scioj, bazita sur metoda racia esploro kaj celanta eltrovon de leĝoj de la naturo aŭ de la homa socio / Completo sistémico de conocimientos, basado sobre el método racional de investigación y cuyo objeto es el descubrimiento de leyes de la naturaleza o de la sociedad humana.

• Scienco konstante progresas. / La ciencia progresa constantemente.
• Scienco havas semon enuan, sed frukton bonĝuan. / La ciencia tiene una semilla aburrida, pero un fruto de buen gusto.
• Sciencistoj faris esplorojn rilate malpurecon de aero. / Los científicos hicieron investigaciones relacionadas con la contaminación del aire.

2. Tutaĵo de la metodoj, hipotezoj, teorioj kaj scioj pri difinita fako: / Completo de los métodos, hipótesis, teorías y conocimientos sobre una determinada rama.

• Mi ĉiam ŝatis ekzaktajn sciencojn./ Siempre me gustaron las ciencias exactas.
• Ĝi estas por mi ĥina (ĉina) scienco. / Esto es para mí ciencia (china).
• Li legas sciencajn revuojn. / Él lee revistas científicas.
• Ŝi interesiĝas pri natursciencoj. / Ella se interesa por las ciencias naturales.
• Ne demandu scienculon, demandu spertulon. / No preguntes a un científico, pregunta a un experto.

SCIENCO

1. Sistema tutaĵo de scioj, bazita sur metoda racia esploro kaj celanta eltrovon de leĝoj de la naturo aŭ de la homa socio:

• Scienco konstante progresas.
  

• Scienco havas semon enuan, sed frukton bonĝuan.
  

• Sciencistoj faris esplorojn rilate malpurecon de aero.
  

2. Tutaĵo de la metodoj, hipotezoj, teorioj kaj scioj pri difinita fako:

• Mi ĉiam ŝatis ekzaktajn sciencojn.
  

• Ĝi estas por mi ĥina (ĉina) scienco.
  

• Li legas sciencajn revuojn.
  

• Ŝi interesiĝas pri natursciencoj.
  

• Ne demandu scienculon, demandu spertulon.
  

IDEALO

La plej alta perfekteco, kiun oni povas imagi, sed neniam plene atingi:

• Konstanta paco estas plej nobla idealo de la homaro.
  

• Ŝi estas ideala edzino.
  

• Mi tro idealigis lin kaj pro tio poste senreviĝis.
  

• Li estas idealisto, li ĉiam strebas al idealo
  

IMPORTI

Venigi, enporti en landon komercaĵojn aŭ aliajn aĵojn el eksterlando:

• Nia lando importas multajn varojn el Ĉinio.

• Importa komerco komencis prosperi, ĉar multegaj landaj fabrikoj ĉesis funkcii.
  

• Ĝi protektis sin kontraŭ importo de kuirejaj aparatoj.
  

• La firmao okupiĝas pri importado de varoj.