KRITIKI

1. Ekzameni la bonajn kaj malbonajn ecojn de scienca, literatura aŭ belarta verko:
Multaj, kiuj recenzas, ne kapablas kritiki.
Li skribis kritikan eseon.
Iu kritikisto faris la kritikadon de ŝia nova libro.

2. Elmontri la mankojn de persono, la difektojn de afero:
Tiu grumblemulo ĉiam ĉion kritikas.
Kiu kritikas kuraĝe, mem agas malsaĝe.
Ju laboro pli publika, des pli granda la kritiko.
Li rigardis min malame kaj kritike.
Kritikantoj de Esperanto ĉiam ekzistis.
Mia memkritiko (konfeso pri miaj eraroj) ne estis akceptita.
Ili senkritike akceptas ĉion, kion diras la gazetoj.